Psalms 121
Ɔsoroforo dwom.
1 Mema mʼani so kyerɛ mmepɔw no,
ɛhe na me mmoa fi bɛba?
2 Me mmoa fi Awurade,
ɔsoro ne asase yɛfo no.
3 Ɔremma wo nan nwatiri,
nea ɔhwɛ wo no rentɔ nko.
4 Ampa ara, nea ɔhwɛ Israel no
rentɔ nko na ɔrenna.
5 Awurade hwɛ wo so;
Awurade ne wo nwini wɔ wo nsa nifa so;
6 Owia rensɛe wo wɔ adekyee mu,
na ɔsram nso rensɛe wo anadwo.
7 Awurade bɛbɔ wo ho ban afi ɔsɛe nyinaa ho,
ɔbɛhwɛ wo nkwa so;
8 Awurade bɛhwɛ wʼadifi ne wo fieba so
mprempren ne daa.
Copyright information for
TwiAKNA